Gjermania ka arritur të shënoj një fitore me debakël ndaj Bosnjës dhe Hercegovinës, duke e mposhtur me rezultat 7-0, në kuadër të xhiros së pestë në Ligën e Kombeve.

Musiala pas dy minutave shënoi golin e parë, kurse në minutën e 23-të, Kleindienst dyfishoi epërsinë, shkruan Arbresh.info.

Tetë minuta para fundit të pjesës së parë, Kai Havertz shënoi golin e tretë.

Florian Wirtz në minutat e 50-të dhe 57-të, shënoi dy golat e radhës për “Pancerat”.

Gjermanët nuk po ndaleshin dhe në minutën e 66-të, Sane shënoi golin e gjashtë.

Ndërsa për epilogun final 7-0, u përkujdes, Kleindienst, i cili realizoi golin e dytë personal.

Me këtë fitore, Gjermania siguron vendin e parë në tabelën e grupit 3 të Ligës A, ku tashmë ka 13 pikë, pesë më shumë se Holanda që është e dyta, Hungaria është e treta me pesë sosh, ndërsa Bosnja e fundit me vetëm një pikë.

Ndeshja e radhës e gjermanëve është ndaj Hungarisë kurse Bosnja luan ndaj Holandës./Arbresh.info